Gjermania dhe Holanda shënojnë 10 gola dhe mbajnë vendin e parë duke u kualifikuar direkt për “World Cup 2026”. “Panzer”-ët mundën 6-0, sllovakët e vendit të dytë në grupin A, në një ndeshje ku dominuan plotësisht, ndërsa Holanda mundi 4-0 Lituaninë e vendit të fundit në Grupin G, duke u shkëputur plotësisht nga Polonia e vendit të dytë, e cila nga ana e saj i bëri “hyzmetin” fitores në Maltë, jashtë fushës së saj me rezultatin 2-3.
Për Grupin L, Kroacia mundi në Sarajevë 2-3 Bosnje Hercegovinën, me një gol në minutën e ’87 duke ruajtur supremacinë e vendit të parë, duke lënë pas për Play-off, Çekinë e cila bëri “spektakël” duke mundur Gjibraltarin 6-0.
Ndeshjet e fundit në grupet eliminatore nuk patën surpriza, përveç mundjes së Italisë në shtëpi, nga Norvegjia, me rezultatin 1-4 në Grupin I. Italianët dolën në Play-off, në vendin e dytë në grup, si Shqipëria, ndërsa norvegjezët me fenomenin Haaland që shënoi dy herë, pas 28 vjetësh u rikthyen në një botëror, duke zënë vendin e parë në grup dhe duke u kualifikuar direkt.
Renditja përfundimtare e grupeve është kjo:
