Nëse e keni ndjerë që ditët po shkurtohen, ja edhe konfirmimi: sot rikthehet ora diellore!
Në 03:00 të mëngjesit, akrepat do të kthehen 60 minuta pas, pra ora do të bëhet 02:00. Rezultati? Një orë gjumë më shumë për të gjithë!
Ky ndryshim i përvitshëm shënon kalimin në orën diellore, e cila do të na shoqërojë deri më 29 mars 2026, kur do të rikthehet ora verore.
Por mos u gëzoni shumë – edhe pse do të zgjoheni më të pushuar, pasditet do të errësohen më herët, dhe dielli do të largohet që rreth orës 17:00.
Ideja për të ndërruar orën lindi më shumë se 100 vjet më parë, për të kursyer energji gjatë dimrit. Megjithatë, shumë vende të botës po mendojnë ta heqin këtë praktikë, duke e lënë orën të pandryshuar gjatë gjithë vitit.
Sonte mos harroni – para se të flini, kthejini akrepat e orëve në mur një orë pas! Dhe nesër, shijoni mëngjesin më të gjatë të vitit…
