Përkeqësimi mund të ngadalësohet me tre vjet tek njerëzit që bëjnë vetëm tre deri në pesë mijë hapa në ditë dhe me shtatë vjet tek ata që bëjnë midis pesë mijë dhe shtatë mijë hapa në ditë.
Një rritje e lehtë e numrit të hapave të ndërmarrë çdo ditë mund të ndihmojë në ngadalësimin e përparimit të sëmundjes së Alzhaimerit te njerëzit me rrezik të lartë. Rënia e aftёsiё njohëse vonohet me tre vjet te njerëzit që ecin vetëm 3,000-5,000 hapa në ditë dhe me shtatë vjet tek njerëzit që ecin 5,000-7,500 hapa në ditë.
Një studim i botuar në revistën “Nature Medicine”, nga studiues të sistemit shëndetësor jofitimprurës amerikan Mass General Brigham, tregoi se aktiviteti fizik shoqërohet me një ngadalësim të rënies sё aftёsisё njohëse tek të rriturit e moshuar me nivele të larta të beta-amiloidit , një proteinë e lidhur me sëmundjen Alzhaimer.
Individët sedentarë kanë një akumulim dukshëm më të shpejtë të proteinave toksike në tru dhe një rënie më të shpejtë të funksionimit njohës dhe të përditshëm. Studiuesit analizuan të dhënat nga 296 pjesëmarrës midis moshës 50 dhe 90 vjeç nga Studimi i Trurit të Plakjes së Harvardit, të cilët të gjithë nuk kishin defiҫite njohëse në fillim të studimit. Ata matën nivelet fillestare të substancave toksike të akumuluara në trurin e secilit pjesëmarrës dhe vlerësuan aktivitetin e tyre fizik duke përdorur pedometra.
Pjesëmarrësit iu nënshtruan vlerësimeve vjetore njohëse për një mesatare prej 9.3 vjetësh. Një numër më i madh hapash shoqërohej me një shkallë më të ngadaltë të rënies sё aftёsisё njohëse dhe një akumulim më të ngadaltë të proteinave toksike, midis atyre që filluan me shumë substanca toksike të akumuluara në tru dhe për këtë arsye me një rrezik të lartë të sëmundjes së Alzhaimerit.
