Belgjika shkatërron me rezultatin 4-1 ekipin amerikan, me një lojë që bënte diferencën e që la një shije të hidhur për pritshmërinë e udhëheqësve të futbollit dhe botës.
Presidenti Trump dhe presidenti i FIFA-s, Infantino, vendosën kundër çdo rregulli të botës së sportit që të anulonin një karton të kuq për futbollistin e ekipit amerikan Folarin Balogun. Kjo, me qëllim që futbollisti më i mirë i ekipit të merrte pjesë në 1/16 e Kupës së Botës.
Por ndeshja me Belgjikën tregoi se as kjo thyerje e rregullave me anën e fuqisë së pushtetit nuk e ndihmoi dot skuadrën amerikane, bashkë me trajnerin Pochetino, t’i shpëtonte furisë belge.
Lojtari amerikan Balogun, për të cilin u bë thyerja e rregullave për herë të parë në historinë e lojës së futbollit, nuk solli asgjë në fushën e lojës. Ai u bllokua nga pamundësia për të përballuar një ekip të mirëorganizuar dhe me dëshirë të madhe për fitoren, siç ishte Belgjika në mbrëmjen e së hënës.
Belgët, me këtë fitore të thellë ndaj ShBA-ve, u hakmorën për ndërhyrjet e politikës në sport. Ata i dhanë një leksion të mirë vetë superfuqisë së botës, duke i thënë: “Futbolli luhet në fushën e gjelbër me këmbë dhe me zemër, jo me armë apo para.”
