Në episodin e podcast-it të saj “The Goop”, ylli hollivudian Gwyneth Paltrow beson se, “faza hormonale e jetës” qëndron pas betejës së saj të re me shëndetin mendor.
“Kam shumë ankth, për herë të parë në jetën time, që është thjesht një simptomë e ndryshimeve hormonale”, tha Paltrow. “Mendoj se është një çështje dominimi i estrogjenit. Të bën shumë nervoz”, -vazhdoi ajo. – “Pra, një pjesë është fiziologjike, një pjesë është psikologjike, një pjesë është emocionale dhe një pjesë e jetës publike”.
Aktorja e “Marty Supreme”, e cila u rrit në qendër të vëmendjes si aktore e fëmijërisë dhe vajza e prindërve të famshëm Blythe Danner dhe të ndjerit Bruce Paltrow, shpjegoi se ajo ka “jetuar një jetë shumë intensive në sytë e publikut për vite me radhë”.
“Mendoj se sa herë që jemi në mëshirën e opinioneve të njerëzve dhe të gjithë energjisë që fshihet pas këtyre opinioneve – unë jam shumë e ndjeshme, siç jemi shumica prej nesh. Kështu që, e ndiej këtë dhe kjo në një farë mënyre ma acaron sistemin nervor”, tha Paltrow.
Aktorja 53-vjeçare e serialit “Glee” tha se, shëndeti i saj mendor ka ndikuar në mënyrën se si ndihet fizikisht.
“Gjatë dy viteve të fundit më ka goditur shumë rëndë. Por e di që diçka nuk shkon sepse kortizoli im (hormoni i stresit) bën punën e vet…”
Ajo u shpreh gjithashtu se, vuan nga mendime bezdisëse, gjë që është diçka e re për ikonën e Hollivudit. “Do të shtrihem në shtrat e rraskapitur dhe zemra do të fillojë të më rrahë fort. Gjumi im është ende mjaft i mirë, por ndonjëherë zgjohem dhe gjëja e parë që ndjej në mëngjes është të mbushem me tmerr”, tha ajo.
Gwyneth shprehet se, shpesh e gjen veten duke lejuar që gjëra të vogla t’i prishin humorin, duke ke vënë re se një e-mail negativ pune mund të jetë si “një shuplakë në fytyrë”.
Paltrow po kërkon ndihmë nga dy terapistë, njëri prej të cilëve është specialist i sistemit nervor. Ajo gjithashtu, i drejtohet familjes dhe miqve të saj për mbështetje. “Jam e lumtur që marr shumë shërim nga familja ime, nga fëmijët e mi dhe im shoq. Nëse mund të jem me të gjithë, veçanërisht nëse të katër fëmijët – fëmijët e mi të adoptuar dhe fëmijët e mi – unë dhe im shoq, nëse jemi nën një çati, sistemi im nervor qetësohet”, u shpreh ajo.
(Burimi: Page Six)
