Brooklyn Beckham dhe bashkëshortja e tij, Nicola Peltz, kanë tërhequr sërish vëmendjen me stilin e tyre luksoz të jetesës, pasi raportohet se çifti ka shijuar një nga verërat më të shtrenjta në botë, me një çmim që arrin deri në 17 mijë paund për shishe.
Nuk dihet saktësisht nëse bëhet fjalë për një shishe Château d’Yquem të vitit 1831 apo për versionin edhe më të rrallë të vitit 1811, i cili është shitur për herë të fundit në ankand në vitin 2012 për rreth 75 mijë paund. Sido që të jetë, për çiftin luksi nuk duket aspak problem, sidomos duke pasur parasysh raportimet se Nicola merr rreth 1 milion paund në muaj nga babai i saj miliarder, Nelson Peltz.
Brooklyn dhe Nicola kanë ndarë në Instagram një seri fotosh romantike nga qëndrimi i tyre në resortin ekskluziv San Ysidro Ranch, ku çmimi i një nate mund të arrijë deri në 2,595 dollarë. Në disa prej imazheve, çifti shfaqet gjatë darkave intime, ndërsa në të tjera Nicola pozon duke pushuar në dhomë, duke shëtitur në oborr apo duke kaluar kohë me qenin e tyre. Brooklyn, i njohur për pasionin ndaj gatimit, ka ndarë edhe pamje nga kopshti mbresëlënës i kuzhinës së resortit.
Ndërkohë, rreth 9,700 kilometra larg, në Paris, familja Beckham – David, Victoria dhe fëmijët Romeo, Cruz dhe Harper – janë shfaqur të bashkuar në Javën e Modës Haute Couture. Victoria Beckham u nderua me titullin prestigjioz “Kalorëse e Urdhrit të Arteve dhe Letrave”, duke falënderuar publikisht familjen e saj.
Ky moment vjen vetëm pak javë pasi Brooklyn kishte deklaruar se nuk do të “pajtohej” kurrë me familjen e tij, për shkak të tensioneve të lidhura me trajtimin e Nicolës dhe mosmarrëveshjeve rreth martesës së tyre.
Edhe pse mbiemri Beckham është një nga më të njohurit në botën e showbiz-it, pasuria e familjes Peltz e tejkalon ndjeshëm atë. Babai i Nicolës, Nelson Peltz, ka një pasuri neto të vlerësuar në rreth 1.6 miliardë dollarë, krahasuar me rreth 680 milionë dollarë të familjes Beckham.
(Daily Mail)
