Në stadiumin Dubočica të Leskovacit, Shqipëria shkroi një faqe historike – në një sfidë të vlefshme për Grupin K të eliminatoreve për Botërorin 2026, djemtë e Silvinjos arritën të marrin një fitore që do të kujtohet – 1-0 në Serbi.
Ndeshja nisi me tension të lartë. Por pak para fundit të pjesës së parë, sulmuesi Rey Manaj hodhi heshtjen në stadium duke shënuar për kuqezinjtë dhe duke siguruar avantazhin. Ky gol solli edhe mё shumё force pёr skuadrën dhe përkushtimin për të mos u dorëzuar në terren të huaj gjatё pjesёs sё dytё tё lojёs.
Në pjesën e dytë, Shqipëria u tërhoq më shumë, luajti me kujdes dhe disiplinë – duke kontrolluar lojën, duke mos lejuar Serbinë të krijojë raste të rrezikshme dhe duke ruajtur avantazhin deri në fund. Me këtë fitore të rrallë jashtë vendit, Shqipëria ruan shanset e saj për t’u kualifikuar dhe kap vendin e dytë në grup.
