Aktorët ikonë Meryl Streep dhe Martin Short i kanë ndezur edhe më shumë zërat për një romancë të mundshme mes tyre, pasi u panë së bashku në natën e premierës së re të Tom Hanks, “This World of Tomorrow”, në Teatrin Griffin në New York. Dy yjet e serialit “Only Murders in the Building” u fotografuan duke biseduar me Hanks, gruan e tij Rita Wilson dhe djalin e tyre Chet, të qeshur dhe shumë të “afërt”. Streep dhe Short tërhoqën vëmendjen e publikut ndërsa qëndronin prapa skenës bashkë me grupin.
Aktorja 76-vjeçare dhe kolegu i saj 75-vjeçar ndezën për herë të parë thashethemet për një lidhje në janar të vitit 2024, pasi u panë të ulur ngjitur dhe dukshëm të afërt gjatë ceremonisë së Golden Globes. Në atë kohë, një përfaqësues i Short tha për revistën People se dyshja ishin “thjesht miq shumë të mirë dhe asgjë më shumë”. Short gjithashtu e mohoi publikisht romancën një muaj më vonë, duke deklaruar në podkastin “Club Random” të Bill Maher se “ne nuk jemi çift, jemi thjesht miq shumë të ngushtë”.
Megjithatë, zërat vazhduan të qarkullojnë. Në mars, një burim anonim i tha Page Six se Streep dhe Short kishin qenë në një lidhje “për më shumë se një vit”. Sipas tij, “Meryl nuk mund të mos binte në dashuri me Martinin. Ai është një zotëri, e bën të qeshë dhe ka një energji pozitive. Asaj i pëlqen të jetë pranë tij.”
Në shtator, bashkëprotagonistja e tyre në “Only Murders in the Building”, Selena Gomez, e kapur në kamera gjatë ndarjes së çmimeve Emmy, e pa Short duke i dërguar mesazhe Streep, gjë që shtoi më tej spekulimet. Edhe atëherë, aktori i mohoi thashethemet, këmbënguli se ata ishin “thjesht miq shumë të ngushtë”.
(Burimi: Page Six)
