Një e ftuar në një dasmë është bërë objekt kritikash të forta në rrjetet sociale, pasi u akuzua nga ndjekësit se po përpiqej të “linte nё hije nusen” me veshjen e saj tepër të guximshme. Videoja, e publikuar në TikTok, nisi si një moment i thjeshtë dhe pozitiv mes saj dhe nuses, por shumë shpejt mori një drejtim krejt tjetër.
Sophie, gjyshe e pesë nipërve dhe nënë e tre fëmijëve, publikoi videon në llogarinë e saj “@xxhotshotxxx”, ku shfaqej duke festuar krah nuses në një dasmë të stilit “gypsy wedding” (dasёm rome). Ajo kishte zgjedhur një fustan ngjyrë bordo, shumë të hapur në pjesën e gjoksit, që linte pak vend për imagjinatë. Fustani i gjatё theksonte belin dhe format e saj, ndërsa pamjen e plotë e kishte kombinuar me një gjerdan perlash dhe flokë bionde të mbledhura në mënyrë të çrregullt.
Në të njëjtën video, nusja shfaqej e buzëqeshur dhe duke kërcyer, e veshur me një fustan të bardhë madhështor, me qëndisje elegante dhe një fjongo të madhe anësore, dhe dukej si një princeshë dalё nga përrallat. Të dyja dukeshin duke u argëtuar dhe duke shijuar momentin, por reagimet në komente ishin larg këtij imazhi.
Që nga publikimi në nëntor, videoja ka grumbulluar mbi 1.7 milionë shikime dhe rreth 2 mijë komente. Shumë prej tyre ishin tepër kritike. Komenti më i pëlqyer, me mbi 6 mijë pëlqime, pyeste: “A po përpiqet t’ia marrë vëmendjen nuses apo çfarë?”. Të tjerë e akuzuan për “sindromën e personazhit kryesor” në ditën e dikujt tjetër, ndërsa disa e quajtën veshjen “të papërshtatshme” dhe “pa shije”.
“Definitivisht po përpiqet ta lërë nusen në hije”, shkroi një përdorues, ndërsa një tjetër shtoi: “Kjo nuk është sjellje shoqeje”.
Megjithatë, Sophie nuk u ndikua nga kritikat. Përgjigjja e saj ndaj sulmeve ishte e drejtpërdrejtë dhe sfiduese: një gjest me gishtin e mesit. Paralelisht me komentet negative, pati edhe shumë zëra mbështetës që e mbrojtën gjyshen.
“Me gjithë respektin për nusen, ti ia vodhe shfaqjen”, shkroi një ndjekës. Një tjetër komentonte: “Një nuse e sigurt në vete dhe një e ftuar po aq e sigurt – kjo është ajo që duhet të përfaqësojë Mbretëria e Bashkuar”. Disa theksuan gjithashtu se bëhej fjalë për një dasmë tradicionale ‘rome’, ku veshje të tilla janë të zakonshme dhe të përshtatshme, dhe se nusja ishte plotësisht dakord me pamjen e Sophies.
(Burimi: The Sun)
