Filmi më i ri shqiptar, “Loja e fundit”, pritet të mbërrijë së shpejti në kinematë e vendit, duke ngjallur interes te publiku. Me protagonistë Luiz Ejllin dhe Kiara Titon, projekti ka tërhequr vëmendje të konsiderueshme që në fazat e para të promovimit.
Përmes një klipi të shkurtër të publikuar në rrjetet sociale, çifti njoftoi se premiera zyrtare e filmit do të mbahet më 12 shkurt, ndërsa “Loja e fundit” do të shfaqet njëkohësisht në të gjitha kinematë e vendit.
“Loja e fundit po fillon më 12 shkurt në të gjitha kinematë”, shkruhet në njoftimin e shpërndarë nga Ejlli dhe Tito, duke rritur pritshmëritë e fansave për këtë premierë të shumëpritur.
