Seanca e sotme plenare e bёri Tedi Blushin tё djersijё mё shumё se zakonisht, ndёrsa nga “Jordan Misja” kishte marrё urdhёr tё prerё pёr thirrjen nё interpelancë tё ministrit tё Drejtësisë, Besfort Lamallari, për trajtimin e Ilir Metës nё burg.
Blushi kërkoi sqarime mbi rekomandimet e Avokatit të Popullit, ku pretendohet për shkelje të të drejtave të të paraburgosurit Meta, duke kërkuar edhe masa konkrete administrative.
Nga ana tjetër, ministri Lamallari mohoi që raporti të ketë përdorur termin “trajtim çnjerëzor”, theksoi se nuk ka hetim administrativ për burgun dhe se të gjithë të paraburgosurit trajtohen njësoj para ligjit.
Por përtej debatit zyrtar, interpelanca vendosi Blushin mes dy “shefave”: nga njëra anë lideri i tij politik, Ilir Meta, për të cilin kërkoi llogari publike, dhe nga ana tjetër ministri Lamallari – eprori institucional i bashkëshortes së tij, Sindi Xhuglini, e cila ёshtё shefe sektori nё Ministrinë e Drejtësisë. E njëjta që qau me ngashërim kur u largua patrioti i saj Ulsi Manja nga ministër.
Ndoshta kjo ishte edhe arsyeja pse Blushi sot nuk shfaqi dot tё njёjtin agresivitet pёr tё cilin e nxjerrin zakonisht. Edhe pse u përpoq ta ruante tonin kritik dhe ta kamuflonte me pyetje formale, ndërhyrjet e tij dukeshin më të përmbajtura se herët e tjera, sikur po ecte me kujdes mes dy realiteteve që, për një moment, u kryqëzuan në të njëjtën sallë.
