Më 7, 8 dhe 9 maj (e enjte, e premte dhe e shtunë), nga ora 9:00 deri në 18:00, në tarracën e Instituti Albanologjik do të mbahet edicioni VI i Panairit të Librit të Vjetër, të Rrallë dhe të Përdorur.
Gjatë këtyre tri ditëve do të organizohen përurime veprash, si dhe takime me autorë, botues dhe koleksionues.
Në kuadër të panairit do të zhvillohen edhe aktivitete letrare, përfshirë lexime poezish, fragmente proze dhe intervista me të mbijetuar të gjenocidit serb në Poklek të Vjetër.
Ky panair synon të sjellë në vëmendje vlerat e çmuara të librit të vjetër dhe të rrallë, duke krijuar një hapësirë takimi për dashamirët e librit dhe të trashëgimisë letrare.
