Bordi i Transparencës ka vendosur çmimet e reja tavan për shitjen e karburanteve në vend, të cilat kanë hyrë në fuqi menjëherë, nga data 28 mars, ora 22:30.
Sipas vendimit, çmimi maksimal i naftës (gazoil) për shitje me pakicë është përcaktuar në 218 lekë për litër, ndërsa për shitjen me shumicë në 206 lekë për litër.
Ndërkohë, për benzinën, çmimi maksimal i shitjes me pakicë është vendosur në 181 lekë për litër, ndërsa për shumicën në 169 lekë për litër.
Autoritetet kanë bërë thirrje për zbatim rigoroz të këtyre çmimeve nga të gjithë operatorët në treg. Në rast shkeljesh, paralajmërohen masa të forta, deri në pezullim të aktivitetit për subjektet që nuk respektojnë vendimin.
Ky vendim do të mbetet në fuqi deri në mbledhjen e radhës së bordit, ku pritet të reflektohen ndryshimet e reja të çmimeve në tregun ndërkombëtar.
