Në politikën shqiptare ka nisur të shfaqet një “përplasje” që po diskutohet shumë, por që nёse e vёzhgon me kujdes, ngjan më tepër si skenar sesa si konflikt i vërtetë. Në qendër janë Elisa Spiropali dhe Belinda Balluku, me Edi Ramёn gjithmonë në sfond.
Deklaratat publike, statuset dhe episodet që dalin nga mbledhjet krijojnë idenë e një tensioni të brendshëm. Por gjithçka duket e matur, e kontrolluar, pa asnjë shkulje flokёsh. Ka zhurmë, ka dramatizim, por nuk ka përplasje që sjell ndonjё risi.
A kemi të bëjmë me një rivalitet të vërtetë apo me një lojё rolesh, ku secili ndërton profilin e vet brenda të njëjtit sistem? Një situatë që ngjan me një “on the run” politik – duket sikur ka ndarje, por askush nuk del realisht jashtë rrethit.
Elisa bёn sikur vrapon, t`i shpёtojё duarve tё mёdha tё Ramёs, dhe kur shkёputet shumё ngadalёson hapin t`i lёrё kёnaqёsinё qё ai ta kapё dhe tё bёjё ҫfarё tё dojё me tё.
Publiku, si gjithmonë, kёnaqet me kёto skena duke harruar milionat e njёrёs dhe miliardat e tjetrёs.
Ndёrkohё qё sa më shumë rritet toni dramatik, aq më shumë lind ndjesia që gjithçka është e parashkruar.
Në fund, kjo ёshtё loja e politikës: tё na ushqejё me sezonin e ri, kёtё herё pak mё “hot”, tё serialit që po vazhdon prej vitesh…
© Ky është shkrim ekskluziv i kontrasT.al, i cili gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar burimin e tij.
