Është konfirmuar zyrtarisht arrestimi në Francë i Ermal Beqirit, një nga personat e shpallur në kërkim ndërkombëtar nga SPAK në kuadër të hetimeve për dosjen e AKSHI-t.
Policia e Shtetit bëri të ditur se 44-vjeçari u arrestua në qytetin Amiens, pas bashkëpunimit mes Interpol Tiranës dhe Interpol Lion. Ai ndodhet aktualisht në paraburgim dhe pritet të dalë para Gjykatës Penale të Amiens, ku do t’i komunikohet zyrtarisht kërkesa e autoriteteve shqiptare për ekstradimin e tij.
Ndaj Beqirit është caktuar masa e sigurisë “Arrest në burg” për disa vepra penale, mes tyre “Heqja e paligjshme e lirisë”, “Konkurrenca e paligjshme nëpërmjet dhunës”, “Shkelja e barazisë së pjesëmarrësve në tendera apo ankande publike”, “Pastrimi i produkteve të veprës penale”, si dhe akuza të lidhura me grupin e strukturuar kriminal.
Lajmi vjen vetëm pak ditë pasi mediat franceze raportuan se një shtetas shqiptar ishte ndaluar pasi kishte fluturuar me një avion të vogël mbi centralin bërthamor të Penly, në Normandi. Më pas, autoritetet franceze ia referuan çështjen strukturave të Xhandarmërisë, ndërsa Policia e Shtetit konfirmoi se bëhet fjalë për Ermal Beqirin, i kërkuar nga drejtësia shqiptare.
Kjo ёshtё njё lёvizje e fortё nё favor tё SPAK qё pritet tё sjellё tronditje pёr qeverinё shqiptare pasi Ermal Beqiri konsiderohet si “Xholi” i hetimit tё AKSHI-t.
Pas arrestimit të Beqirit, në arrati mbetet Ergys Agasi, qё gjithsesi ёshtё personazhi nr. 2 nё gjithё aferat e 10 viteve tё fundit nё Agjencinё Kombёtare tё Shoqёrisё sё Informacionit.
Më poshtë njoftimi i plotë i Policisë së Shtetit:
