Ushtruesja e detyrës së presidentes, Albulena Haxhiu, ka vendosur që zgjedhjet e reja parlamentare të mbahen më 7 qershor, pas konsultimeve me partitë politike dhe Komisionin Qendror të Zgjedhjeve. Ajo tha se data është përzgjedhur duke marrë parasysh afatet kushtetuese, përgatitjet teknike dhe nevojën për pjesëmarrje sa më të gjerë të qytetarëve.
Përfaqësuesit e partive kryesore politike e mbështetën këtë datë, duke theksuar se çdo ditë brenda afatit ligjor ishte e pranueshme, por se kishte dakordësi të përgjithshme për 7 qershorin. Kjo datë ishte propozuar edhe nga KQZ-ja, për shkak të kohës së nevojshme për organizimin e procesit zgjedhor.
Vendimi për zgjedhje të parakohshme erdhi pasi Kuvendi u shpërnda në mesnatë, për shkak të dështimit për zgjedhjen e presidentit brenda afatit kushtetues. Sipas rregullave, zgjedhjet duhet të zhvillohen brenda 45 ditëve nga shpërndarja e Kuvendit, çka e bën 7 qershorin një nga datat e fundit të mundshme.
