Kylie Jenner ka tërhequr sërish vëmendjen e miliona ndjekësve të saj, këtë herë me një seri fotografish nga pishina, ku 29-vjeçarja shfaqet me një mikro-bikini të zi dhe një kurorë të argjendtë të zbukuruar me gurë.
Sipërmarrësja e Kylie Cosmetics publikoi në Instagram disa fotografi ku pozon e buzëqeshur në ujë, ndërsa për paraqitjen kishte zgjedhur një bikini minimalist të zi, me rripa të hollë dhe lidhëse anash, që nxirrte në pah linjat e saj.
Pamjen e kompletoi me disa unaza të mëdha të argjendta dhe një kurorë me gurë vezullues të vendosur mbi flokët e lëshuar. Edhe përshkrimi i postimit ishte minimalist: Kylie zgjodhi vetëm emojin e një mbretëreshe.
Jenner vazhdon të jetë një nga personazhet me audiencën më të madhe në rrjetet sociale dhe renditet ndër llogaritë personale më të ndjekura në Instagram, ku çdo paraqitje e saj arrin menjëherë te qindra milionë përdorues.
Fotografitë e reja vijnë pak pasi Kylie u bë objekt debatesh për veshjen që zgjodhi në dasmën e mikeshës së saj Jordyn Woods. Në ceremoninë e mbushur me personazhe të njohur, ajo u paraqit me një fustan të guximshëm, të hapur në bel, dekolte të lidhur pas qafës dhe një të çarë që i ekspozonte plotësisht këmbët.
Zgjedhja nuk u prit njësoj nga të gjithë. Disa përdorues në rrjetet sociale menduan se veshja ishte më e përshtatshme për një tapet të kuq sesa për një dasmë, ndërsa të tjerë u përqendruan te fakti se Kylie dhe Jordyn ishin sërish bashkë në një moment kaq të rëndësishëm.
Miqësia e tyre kishte kaluar një periudhë të vështirë pas skandalit që përfshiu Jordyn Woods, Khloé Kardashian dhe Tristan Thompson, i cili në atë kohë ishte partneri i Khloé. Përplasja kishte sjellë largimin e dy mikeshave, të cilat më vonë arritën të rindërtonin marrëdhënien e tyre.
Këtë herë, megjithatë, Kylie ka lënë pas debatet për veshjen e dasmës dhe është rikthyer në Instagram me atë që di të bëjë më mirë: fotografi të kuruara deri në detaj, një bikini minimalist dhe një kurorë që, të paktën sipas emojit të zgjedhur prej saj, e vendos përsëri në rolin e “mbretëreshës”.
