Shqipëria është zyrtarisht në finalen e madhe të Eurovision Song Contest 2026. Alis arriti të sigurojë kualifikimin pas interpretimit të këngës “Nân” në gjysmëfinalen e dytë të festivalit që po mbahet në Vjenë.
Artisti shqiptar u prit me duartrokitje të forta në Wiener Stadthalle, ndërsa performanca e tij u vlerësua gjerësisht në rrjetet sociale dhe nga mediat eurovizive për vokalin e fuqishëm dhe atmosferën emocionale që solli në skenë.
Pas shpalljes së rezultateve, Shqipëria u rendit mes 10 shteteve që siguruan biletën për finalen e së shtunës. Bashkë me Shqipërinë u kualifikuan edhe:
- Australia – Delta Goodrem – “Eclipse”
- Bullgaria – Dara – “Bangaranga”
- Çekia – Daniel Zizka – “CROSSROADS”
- Danimarka – Søren Torpegaard Lund – “Før vi går hjem”
- Malta – AIDAN – “Bella”
- Norvegjia – JONAS LOVV – “YA YA YA”
- Qipro – Antigoni – “Jalla”
- Rumania – Alexandra Căpitănescu – “Choke me”
- Ukraina – LELÉKA – “Ridnym”
Këto vende do t’u bashkohen finalistëve të dalë nga gjysmëfinalja e parë, si edhe vendeve të “Big 5” dhe Austrisë si shtet organizator.
Finalja e madhe e Eurovision 2026 do të mbahet të shtunën në Vjenë, ku Shqipëria do të tentojë të sigurojë një nga rezultatet më të mira në historinë e pjesëmarrjes së saj në festival. Pas performancës së fortë në gjysmëfinale, pritshmëritë për Alis dhe “Nân” janë rritur ndjeshëm mes fansave të Eurovisionit.
