Dalin fituesit e Shkollës së Magjistraturës: Hileja “e vogël” e provimit të madh

Nga kontrasT.al

Pas një procesi “transparent” të zhvilluar në heshtje të plotë, Shkolla e Magjistraturës njoftoi dje për “Përfundimin e fazës së dytë të provimit të pranimit / shpallja e rezultateve” për këtë vit. Tabela me fituesit “fshihet” pas renditjes emër mbiemër të 171 konkurrentëve të fazës së dytë, kur dihet fare mirë që pranimet për këtë vit ishin 10 vende për magjistratë gjyqtarë dhe 7 vende për prokurorë. Sipas kësaj logjike, renditja vendos 17 të parët në listë fituesish, pavarësisht se njoftimi flet edhe për një testim të tretë – testi i shëndetit mendor dhe psikologjik.

Ky testim, që paraqitet si fazë e tretë para shpalljes së rezultatit final, tenton të krijojë përshtypjen e rreme se fituesit me formim superior juridik do “skanohen” për t’u kuptuar nëse janë të aftë edhe në dimensionin psikologjik. Faktet tregojnë se ky është një test fiktiv, thuajse qesharak pa asnjë rëndësi, sepse në gjithë historinë e provimeve dhe testimeve të magjistraturës shqiptare nuk gjendet një rast i vetëm të ketë mbetur në “psikopati”. Edhe nëse je “defiҫient” apo me çrregullim mendor, nuk ka asnjë problem, gjithmonë testi psikologjik kalohet.

Komisioni transparent

Në njoftimin e vendosur në faqen e saj, Shkolla e Magjistraturës përkujdeset që të jetë sa më transparente me detajet e procesit të vlerësimit:

“Pas përfundimit të fazës së dytë (dita e dytë) më 24 prill 2026, Këshilli Drejtues i Shkollës së Magjistraturës caktoi komisionin e vlerësimit të provimit për këtë fazë. Komisioni përbëhej nga 7 (shtatë) anëtarë, 3 (tre) anëtarë pedagogë të brendshëm në Shkollën e Magjistraturës: z. Vangjel Kosta, z. Artan Hajdari, z. Idlir Peçi dhe 4 (katër) anëtarë, pedagogë të jashtëm në Shkollën e Magjistraturës, znj. Arta Mandro, znj. Elvana Çiçolli, z. Dashamir Kore, z. Klodian Kurushi.”

Bie në sy fakti që kjo pjesë e njoftimit përpiqet të krijojë idenë se vlerësuesit, që në zhargon i quajnë “korrigjuesit e provimeve”, janë më shumë nga jashtë sesa nga brenda shkollës. Pse kjo nevojë për të treguar që “shumica janë jashtë nesh”? Pra, 4 nga jashtë dhe 3 nga brenda, kur nuk është e vërtetë.

Këshilli Pedagogjik i Shkollës së Magjistraturës në faqen zyrtare të shkollës ka emrat e të gjithë pedagogëve që janë atashuar pranë saj dhe njihen nga të gjithë. Një prej kryesorëve, më i vjetri në moshë dhe eksperiencë pranë kësaj shkolle, është profesor Dashamir Kore, titullar i lëndës “Gjykimi Civil”.

Prof. Dr. Arta Mandro, po kështu, është pedagoge dhe titullare e lëndës “Gjykimi familjar, i mituri dhe viktima” në Shkollën e Magjistraturës, ndër më të vjetrat dhe më të njohurat e kësaj shkolle. Znj. Mandro, si anëtare e KLP-së, është jo vetëm pedagoge e brendshme e shkollës, por nuk ka nevojë as të lodhet të marrë pjesë në mbledhje të saj, pasi zyra e saj me KLP-në janë në të njëjtën godinë “Poli i Drejtësisë”.

Nëse profesor Dashamir Kore nuk mban asnjë pozicion tjetër jashtë Shkollës së Magjistraturës, përveç titullit të avokatit dhe pedagoge Arta Mandro mund të konsiderohet “e jashtme”, kur në të vërtetë është e kundërta, atëherë përse ky kujdes për t’i konsideruar anëtarë jo të shkollës?

Bashkë me të dy pedagogët e mirënjohur për gjithë habitatin juridik shqiptar, raporti i anëtarëve që vlerësuan fituesit e provimit të fundit për magjistratë është 5 me 2 në favor të Shkollës së Magjistraturës.

Çelësi i drejtorit

“Rregullorja e brendshme e Shkollës së Magjistraturës” është Kushtetuta e saj, një manual rregullash me 88 nene të bëra me kujdes, ku po t’i lexosh me radhë krijohet ideja e qartë se drejtori i kësaj shkolle është “Bosi”. Ai që vendos për gjithçka është Arben Rakipi, drejtori, pavarësisht se formalisht i jepen kompetenca për vendime një organi kolegjial me emërtesën Këshilli Drejtues i Shkollës së Magjistraturës.

Këshilli Drejtues ka 18 anëtarë, ku një prej tyre është vetë drejtori, me fuqi të plota propozuese dhe vendimmarrëse.

Këshilli Pedagogjik ka për “Bari” drejtorin. Është ai që propozon miratimin e pedagogëve, programeve të çdo lënde, stafit mësimdhënës, të brendshëm e të jashtëm, trajnerë, ekspertë. Këshilli, me gjysmën e anëtarëve të tij, mblidhet dhe “vulos” gjithmonë propozimet e drejtorit.

Komisioni për verifikimin e dokumentacionit të kandidatëve për magjistratë, këshilltarë dhe ndihmës ligjorë apo atyre për avokatë shteti zgjidhet nga drejtori.

Është përsëri Drejtori i Shkollës së Magjistraturës që ndjek dhe kontrollon në vijimësi veprimtarinë praktike të fituesve të Shkollës së Magjistraturës, gjatë praktikës paraprofesionale të tyre trevjeçare.

Praktikisht, drejtori “prek” filizat e drejtësisë së re në çdo drejtim, që nga pranimi, provimi fillestar deri në daljen prej shkollës.

Atij i nevojitet gjithnjë “Qeveria” dhe vota e saj, për çdo vendim që rregullon të tërën, pasi detajet i sistemon më pas. Është kjo arsyeja që drejtori mban lidhje të forta me tre përfaqësuesit e qeverisë në Këshillin Drejtues të Shkollës, ku nevojiten vetëm 9 vota, përfshirë atë vetë.

Nëse Arben Rakipi, Sokol Berberi, Vangjel Kosta, Artan Hajdari dhe ortaku i tij Maksim Haxhia bashkë me Aida Bushatin, dy studentët magjistratë Rej Beqiraj dhe Gjergj Mati, janë vetë shkolla me 8 anëtarë të Këshillit që vendosi për rregullat e këtij viti, shtuar tre anëtarët e qeverisë, Toni Gogu, Elona Hoxha dhe Jonida Çollaku, praktikisht “pavarësia” në marrjen e vendimeve ka shënuar, si çdo vit, edhe këtë herë dakordësi të plotë.

Rregullorja e Shkollës së Magjistraturës heq çdo dyshim për mënyrën se si zhvillohet procesi përzgjedhës i magjistratëve të drejtësisë së re.

“Fondi fizik i tezave të testimeve vendoset në ruajtje në një kasafortë të sigurisë së lartë me çelës dhe kod. Çelësi i kasafortës dhe kodi i saj nuk do të mbahen në asnjë rast nga i njëjti person. Kodin e mban Drejtori i Shkollës, ndërsa çelësin e mban Përgjegjësi i Programit të Formimit Fillestar.” – thotë neni 86 i rregullores, pa emërtuar personat që mbajnë “butonat atomikë”, por që janë Arben Rakipi, drejtori dhe Sokol Berberi, përgjegjësi, apo si i thërrasin me humor “kunati i Shokut Xhemal”.

Fituesit e sezonit 2026

Ditën e djeshme, në orën 11:00, në Shkollën e Magjistraturës, u shpallën rezultatet e konkurrimit, përmes një procesi tё transmetuar drejtpёrdrejt që linte për të dëshiruar, po të konsiderohet se ky eveniment është ngjarje më e rëndësishme sesa një koncert bashkie. Korrigjuesit rrinin përballë atyre që prisnin me ankth rezultatet me një nervozizëm të fshehur në buzëqeshje të sforcuara, që përpiqeshin të përçonin transparencë.

Diku në një sallë larg Polit të Drejtësisë, në të njëjtën kohë, drejtori i Shkollës Arben Rakipi, shumë larg këtij procesi, si Ponc Pilati po “lante” duart në një takim me Ministrin e Drejtësisë së Francës dhe drejtoreshën e Shkollës së Magjistraturës së këtij vendi, duke shkëmbyer një eksperiencë të vyer me ta.

Rezultatet e provimit dolën përfundimisht në një tabelë elektronike që rendiste dhe kalonte me shpejtësi fituesit dhe humbësit e ç’sekretuar.

Shkolla e Magjistraturës në faqen e saj tregon një renditje me emra dhe mbiemra, por pa pikëzim. Ato u panë live nga konkurrentët, por për publikun e gjerë që mund të kishte interes për nivelin e pretenduesve dhe fituesve për gjyqtarë dhe prokurorë të ardhshëm, u shkëput ky informim:

“Nga 171 (njëqind e shtatëdhjetë e një) konkurrentë që morën pjesë në fazën e dytë të provimit të pranimit, 50 (pesëdhjetë) prej tyre arritën të vlerësohen me më shumë se 60% (gjashtëdhjetë për qind) të pikëve maksimale të mundshme për të dy ditët (katërqind pikë). Pra, 29% (njëzet e nëntë për qind) e konkurrentëve arritën të kalonin pragun minimal të vendosur nga Rregullorja.”

Një e dhënë statistikore që nuk e shpalos të vërtetën hapur dhe me shifra të renditura brenda saj.

Asnjë analizë, asnjë koment, asnjë konferencë, vetëm kujdes për të mbajtur status quo-në e një procesi themelor të paprekur.

Pas disa ditësh, kur tymnaja e dyshimeve dhe diskutimeve të fashitet dhe viti me magjistratë të rinj të futet në korsinë e vet, pyetja e papërgjigjur mbetet pezull:

A janë këta magjistratët që do çelin në Pemën e Drejtësisë së re, apo filizat e rinj të trungut të vjetër?

Lista e pikëzuar e fituesve:

Nr	Emër Mbiemër	Teorike	Praktike	Total
1	Gerald Zotaj	167.5	137	304.5
2	Elisa Bregasi	194.5	100	294.5
3	Blerina Novruz Brahimi	183	110	293
4	Adenisa Ago	179	113	292
5	Jonel Baçi	168	124	292
6	Evanthi Suli	158	131	289
7	Jorxhilda Nani	164.5	124	288.5
8	Resi Pasho	174.5	111	285.5
9	Gazmend Xhepa	182	103	285
10	Tomor Cano	160.5	123	283.5
11	Enkelejda Patrioti	157	125	282
12	Enea Ismaili	177	104	281
13	Albina Hoxha	190	88	278
14	Inva Mustafa	178	95	273
15	Xhulja Kondakçiu	165.5	107	272.5
16	Dorela Nocaj Gjika	156	115	271
17	Resmi Xholi	168	103	271

Renditja e të gjithë emrave

NR	Emer Mbiemër
1	Gerald Zotaj
2	Elisa Bregasi
3	Blerina Novruz Brahimi
4	Adenisa Ago
5	Jonel Baçi
6	Evanthi Suli
7	Jorxhilda Nani
8	Resi Pasho
9	Gazmend Xhepa
10	Tomor Cano
11	Enkelejda Patrioti
12	Enea Ismaili
13	Albina Hoxha
14	Inva Mustafa
15	Xhulja Kondakçiu
16	Dorela Nocaj Gjika
17	Resmi Xholi
18	Sokol Loci
19	Aleksandra Bami
20	Iris Bilali
21	Klea Xhaferi
22	Fatina Onuzi
23	Eni Bistri
24	Keid Kalaja
25	Nikols Vathi
26	Anxhela Kalemi
27	Erik Veizi
28	Evi Kadana
29	Argela Mero
30	Sidrit Malaj
31	Rei Peçi
32	Rei Meçani
33	Elvis Gjini
34	Fatjona Xhuti
35	Ajdisa Daci
36	Ronaldo Matia
37	Haxhire Aliu
38	Fatjon Xhafaj
39	Aida Spahiu
40	Nevila Zekaj
41	Geri Murati
42	Enkeleda Lika
43	Xhuliana Fiku
44	Mustafa Rezhda
45	Jona Biba
46	Vasjan Bimbli
47	Bora Totolaku
48	Arta Bazhella
49	Elton Frangu
50	Isabela Tafili
51	Arba Osmanllari
52	Aurora Aliaj
53	Misela Metaliu
54	Ervina Xhixha
55	Anila Meshi
56	Ulvin Veizaj
57	Silvana Marku
58	Edmond Luli
59	Andiola Turtulli
60	Elona Baçe
61	Esida Sata
62	Juna Sanxhaku
63	Sara Ibrahimi
64	Oligert Dervishi
65	Anisa Kona
66	Gejla Shehaj
67	Florian Kanina
68	Ledjan Muzhaqi
69	Ambra Nazarko
70	Ergida Prifti
71	Armando Toma
72	Kamela Hoxha
73	Aida Metushi
74	Lorela Agalliu
75	Platin Çokaj
76	Ibrahim Feimi
77	Aurora Heqimaj
78	Jurgen Resulaj
79	Ledia Dermyshi
80	Alketë Dibra
81	Irgena Dokollari
82	Mexhit Dyrmishi
83	Klea Cahani
84	Torad Qyteza
85	Ira Dedej
86	Ilirjana Hoxha
87	Navi Noka
88	Olsi Cara
89	Rezart Hana
90	Entela Baci
91	Renilda Muçaj
92	Parid Sinella
93	Rebeka Borisha
94	Blerta Aliu
95	Eresta Troka
96	Nertila Kalanxhi
97	Ina Sulaj
98	Anila Xhafa
99	Ermelinda Tarelli
100	Esmeralda Kaca
101	Visarjo Petroshi
102	Mariglen Tanushi
103	Xhesika Toto
104	Enxhi Dibra
105	Gylsjon Aliaj
106	Eralda Muço
107	Mandrit Kamolli
108	Adelina Çupi
109	Jonida Hoxha
110	Kristiano Koçibelli
111	Pandush Nando
112	Florin Koka
113	Sokrat Gjermeni
114	Denis Selimi
115	Enes Peza
116	Alketa Gjini
117	Anxhela Saliaj
118	Besmir Kamberaj
119	Miga Xhafa
120	Laert Zifla
121	Lira Breçani
122	Andia Agalliu
123	Shkelqim Laboti
124	Mikel Xheli
125	Gentjana Sherri
126	Esa Hala
127	Admir Xhaka
128	Arber Ademi
129	Dritan Dema
130	Merisë Rukaj
131	Silvia Myslymi
132	Gentjan Tafilaj
133	Bedrudin Jangulli
134	Jondra Xhalia
135	Ornela Marku
136	Ardela Hidri
137	Pamela Hoxha
138	Azi Mustafallari
139	Ilva Elezi
140	Miranda Goçi
141	Biana Doda
142	Keisi Boni
143	Fatjon Bakia
144	Kristina Vila
145	Lineda Arapaj
146	Ugen Shera
147	Have Brahollari
148	Altin Mena
149	Anilda Sinanaj
150	Blerina Gjolek Brahimi
151	Arlind Mesi
152	Anxhela Vogli
153	Klaudja Resulaj
154	Thomas Dhimolea
155	Merita Hidri
156	Hidri Cerriku
157	Elda Shurdhi
158	Kejvin Dodaj
159	Alban Panxhi
160	Mirsad Likaj
161	Ardit Korbi
162	Ornela Onjea
163	Antonela Prendi
164	Altin Gjoka
165	Juljan Jovan Jano
166	Barbara Haxhari
167	Stelina Bilani
168	Enco Kumani
169	Taulant Muçi
170	Sebi Loshi
171	Aurora Tyto

_{© Ky është artikull ekskluziv i KontrasT.al, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to” / Artikulli mund të ripublikohet vetёm i shoqëruar me linkun e artikullit origjinal.}