Shqipëria nuk ka profesionistë të lirë, si kudo në botën demokratike. Ata janë “arrestuar” nga politika pa dalë në profesion.
Për të marrë një licencë profesionisti të lirë, miku, tarafi politik, paraja janë kushtet që duhet të plotësosh.
Partia është gjithnjë aty, gjithë kohën nga pas, për të kujtuar se pa të asnjë profesionist nuk gëzon dot liri.
Familjarët e të dy krahëve politikë sipas kohës së pushtetërimit kanë “fituar” licenca apo tituj të profesionistit të lirë. Noterë të PD, noterë të PS, noterë të LSI gjen në radhët e tyre.
Përkthyesit, kontabilistët, vlerësuesit, përmbaruesit kanë partitë e tyre. Pa harruar psikologët, ndërmjetësit dhe avokatët. Të gjithë me licenca dhe tesera partie në xhep.
Dhe kur ndizet lufta politike, ajo depërton edhe brenda mureve të “burgut” të profesioneve të lira, sikurse ndodhi në rastin e fundit kur PD-istët e Urdhrit të Psikologut i janë vërsulur kreut “socialist” të urdhrit për shkarkim.
Profesionistët e lirë në Shqipëri nuk maten me aftësi por me Parti. Kush ka më tepër përkatësi fiton.
Mijëra avokatë të lirë udhëheqësinë e tyre e kanë ortake të partisë në pushtet, me rrënjë të thella komuniste dhe socialiste me përzierje, sa për shije “opozitarësh” demokratë.
Dhjetra profesionistë “të lirë” janë peng i licencës më tepër se i emocionit politik.
Nëse licencën ta ka dhënë Partia, aty përfundon liria dhe paanësia. Ndaj në debatet televizive sheh avokatë që përplasen për Partinë, kontabilistë që hakërrehen për qeverinë dhe psikologë që i turren çmendurisë politike sikur janë vetë pacientë dhe jo mjekë.
Rasti i Urdhrit të Psikologut është shembulli i shëmtuar….
© Ky është artikull ekskluziv i KontrasT.al, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to” / Artikulli mund të ripublikohet vetёm i shoqëruar me linkun e artikullit origjinal.
