Një postim i gazetarit Basir Çollaku ka trazuar rrjetin dhe jo vetëm, duke hedhur në publik një histori të fortë, që përzihet mes “lajmit rozë”, pushtetit dhe një alarmi të mundshëm shëndetësor në një qytet në jug të vendit. Pretendimet janë të rënda, por deri tani të pakonfirmuara – dhe pikërisht kjo i jep gjithë historisë një tjetër dimension.
Sipas asaj që është bërë publike në rrjete sociale, bëhet fjalë për një zyrtar vendor, për të cilin pretendohet se është diagnostikuar me HIV AIDS, ndërsa përmendet edhe mundësia e përhapjes sё sёmundjes te vartёsit e tij. Një rrëfim që, nëse është i pavërtetë, kërkon përgënjeshtrim të menjëhershëm. Nëse ka të paktën një grimcë të vërtete, kërkon reagim urgjent institucional.
Por ajo që bie në sy është një element i njohur në realitetin shqiptar: zhurma nis në rrjete, ndërsa institucionet heshtin.
Në një histori që prek kufirin mes jetës private dhe përgjegjësisë publike, dilema nuk është e re. Sa duhet të mbrohet figura individuale dhe ku fillon interesi publik? Kur bëhet fjalë për një funksionar publik dhe për një çështje që potencialisht lidhet me shëndetin e të tjerëve, kjo peshore anon natyrshëm nga transparenca.
Deri atëherë, historia mbetet pezull mes dy skajeve – një pretendimi që kërkon verifikim dhe një heshtjeje që vetëm sa e bën më të zhurmshme.
Postimi i gazetarit Basir Ҫollaku
