Shfaqja “Gjysmëjeta e Marie Curie”, e shkruar nga Lauren Gunderson dhe me regji nga Armela Demaj, sjell në skenë historinë e jashtëzakonshme të dy grave shkencëtare: Marie Curie dhe Hertha Ayrton.
Vepra rrëfen forcën, rezistencën dhe miqësinë e thellë mes tyre, në një kohë kur gratë në shkencë përballeshin me paragjykime dhe diskriminim gjinor. Përmes një teksti emocional dhe dialogjeve të fuqishme, shfaqja hap një dritare në jetët e brendshme të këtyre dy figurave historike, duke treguar sfidat personale dhe profesionale që ato kapërcyen për të ndjekur pasionin e tyre për shkencën.
Historia thekson rëndësinë e miqësisë, mbështetjes dhe respektit të ndërsjellë në arritjen e qëllimeve, duke sjellë në skenë një rrëfim frymëzues për guximin dhe përkushtimin ndaj dijes. Interpretojnë: Yllka Mujo, Armela Demaj. Në skenë, kjo vepër sjell një rrëfim të ndjerë për dy gra që sfiduan kohën dhe ndryshuan historinë e shkencës në datat 12 – 15 mars.
