Dy mënyra krejt të ndryshme kanë përcaktuar zgjedhjen e dy anëtarëve të rinj të Këshillit të Lartë Gjyqësor në Mbledhjen e Përgjithshme të Gjyqtarëve.
Për vendin që i takonte Gjykatës së Lartë, votimi përfundoi në një barazim absolut, 179 me 179 vota mes Sandër Simonit dhe Arbena Ahmetit. Në zbatim të rregullores, fituesi u përcaktua me short dhe gogla nxori emrin e gjyqtarit Sandër Simoni.
Ndryshe ishte rezultati për përfaqësuesin nga Gjykata e Apelit. Fatri Islamaj u zgjodh me 190 vota, duke fituar përballë Igerta Hysit, e cila mori 171 vota.
Kështu, ndërsa Simoni siguroi mandatin vetëm pas shortit që zgjidhi barazimin e votave, Islamaj u zgjodh drejtpërdrejt nga vota e gjyqtarëve.
