Mijëra protestues dolën në rrugët e Napolit, Itali, në një demonstratë të fortë simbolike në mbështetje të palestinezëve, duke mbajtur një qefin gjigant 25 metra të gjatë ku ishin shkruar emrat e 18,457 fëmijëve palestinezë të vrarë që prej 7 tetorit 2023.
Qefini u realizua nga shoqata italiane “Carnia for Peace” dhe u shpalos gjatë marshimit në qendër të qytetit, ndërsa protestuesit mbanin flamuj palestinezë dhe pankarta kundër luftës në Gaza.
Pamjet nga protesta treguan dhjetëra qytetarë që e mbanin qefinin përgjatë rrugëve të Napolit, në një nga demonstratat më të forta vizuale të organizuara muajt e fundit në Itali lidhur me konfliktin izraelito-palestinez.
Organizatorët deklaruan se qëllimi ishte të “mos lejohej që viktimat të ktheheshin thjesht në numra”, por që secili emër i fëmijëve të vrarë të kujtohej individualisht.
