Presidenti rus Vladimir Putin do të zhvillojë një vizitë zyrtare në Kinë më 19-20 maj, me ftesë të presidentit kinez Xi Jinping, konfirmoi Kremlini.
Sipas njoftimit zyrtar, dy liderët do të diskutojnë forcimin e marrëdhënieve dypalëshe, thellimin e partneritetit strategjik mes Moskës dhe Pekinit, si dhe çështje kryesore ndërkombëtare dhe rajonale.
Takimi pritet të përfundojë me nënshkrimin e një deklarate të përbashkët dhe disa marrëveshjeve ndërqeveritare e sektoriale mes dy vendeve.
Putin do të zhvillojë gjithashtu një takim me kryeministrin kinez Li Qiang, ku fokusi do të jetë bashkëpunimi ekonomik dhe tregtar mes Rusisë dhe Kinës.
Vizita përkon me 25-vjetorin e Traktatit të Miqësisë dhe Bashkëpunimit mes dy vendeve, një dokument që konsiderohet baza e afrimit strategjik Moskë-Pekin.
Dy liderët do të marrin pjesë edhe në ceremoninë e hapjes së “Viteve të Arsimit Rusi-Kinë 2026-2027”, një iniciativë e re për zgjerimin e bashkëpunimit akademik dhe kulturor.
Vizita e Putin në Pekin vjen në një moment tensionesh të forta globale, me Rusinë dhe Kinën që po shfaqen gjithnjë e më shumë si një bosht i përbashkët kundër ndikimit perëndimor.
