Formula 1 do të rikthehet në Turqi, pasi Çmimi i Madh i Turqisë është konfirmuar si pjesë e kalendarit për sezonin 2027, duke i dhënë fund një mungese gjashtëvjeçare nga një prej garave më të njohura të motorsportit botëror.
Rikthimi i garës pritet të zhvillohet në pistën ikonike të Istanbul Park, e cila ka pritur më parë gara spektakolare dhe konsiderohet një nga pistat më teknike në kalendar, veçanërisht për kthesën e famshme nr. 8.
Çmimi i Madh i Turqisë u zhvillua për herë të fundit në vitin 2021, si pjesë e një kalendari të rishikuar për shkak të pandemisë, por më pas u hoq nga programi zyrtar.
Rikthimi në 2027 shihet si pjesë e strategjisë së FIA dhe organizatorëve të Formula 1 për të zgjeruar praninë globale të sportit dhe për të rikthyer pista të preferuara nga pilotët dhe tifozët.
Ky vendim pritet të rrisë interesin e tifozëve në rajon dhe të sjellë përfitime të konsiderueshme ekonomike dhe turistike për Turqinë.
